Кээ бир камсыздандыруу төгүмдөрүнүн тарифтери өзгөрдү

«DosTek group» компаниясы кыймылдуу жана кыймылсыз мүлктү (айыл чарба жерлеринен тышкары) ижарага берүүдөн киреше алуучу жеке ишкерлер/кызматкерлер жана гонорар (сыйакы) алуучу жеке жактар үчүн камсыздандыруу төгүмүнүн тарифи өзгөрүлгөндүгүн маалымдайт.

"Мамлекеттик социалдык камсыздандыруу боюнча камсыздандыруу төгүмдөрүнүн тарифтери жөнүндө" КР Мыйзамын (2017-жылдын 29-июну № 112) кабыл алууга байланыштуу, 2017-жылдын 15-июлунан тартып төлөөчүлөрдүн кээ бир категориялары үчүн камсыздандыруу төгүмдөрүнүн тарифтери өзгөрдү. Төмөндөгү  таблицада, жогоруда аталган КР Мыйзамы менен 7-беренеге киргизилген өзгөртүүлөр көрсөтүлгөн.

Салыштыруу таблицасы

Кыймылдуу мүлктөрдү жана кыймылсыз мүлктөрдү (айыл чарба жерлеринен тышкары) ижарага берүүдөн киреше алуучу жеке ишкерлер жана жеке жактар үчүн камсыздандыруу төгүмүнүн көлөмү өзгөрүүсүз калды (орточо айлык эмгек акынын өлчөмүнүн 10 пайызынан кем эмес), бирок бул тарифти кошуу тартиби өзгөрүлдү.

Эгер буга чейин бул категориядагы жактар камсыздандыруу төгүмүнүн көлөмүн өзүнүн аймагындагы орточо айлык эмгек акыга жараша гана эсептесе, азыр кыймылдуу жана кыймылсыз мүлктү (айыл-чарба жерлеринен тышкары) ижарага берүүдөн алынган кирешенин суммасынын көлөмүнөн жогору көрсөтө алат (бирок милдеттүү эмес).

Ошондой эле, кыймылдуу жана кыймылсыз мүлктү (айыл-чарба жерлеринен тышкары) ижарага берүүдөн киреше алуучу жеке ишкерлер жана жеке жактар үчүн, төлөнүүчү камсыздандыруу төгүмдөрүнүн фонддоруна бөлүштүрүү тартиби өзгөртүлгөн. «Пенсиялык фондко» төлөнүүчү төгүмдөрдүн көлөмү азайганынын эсебинен, «Эмгекчилердин ден-соолугун чыңдоо фондуна» 0,25% төгүмдөр кошулган.

Юридикалык жакты түзбөстөн өз ишин жүзөгө ашырган жеке жактар, берилген лицензиялардын негизинде иштегендер, ошондой эле гонорар (сыйакы) алгандар үчүн өзгөртүүлөр камсыздандыруу төгүмдөрун кошуу бөлүгүнө киргизилген. Буга чейин бул категориядагы жактар камсыздандыруу төгүмүнүн көлөмүн өзүнүн аймагындагы орточо айлык эмгек акыга жараша төлөнсө, азыр алынган гонорардын (сыйакы) нак суммасынын көлөмүнөн, эч кандай чектөөсүз, төлөнөт. Төлөнүүчү сумманы камсыздандыруу төгүмдөрүнүн фонддоруна бөлүштүрүү тартиби өзгөрүүсүз калды.

Жогорудагы өзгөртүүлөр «Мамлекеттик социалдык камсыздандыруу каражаттары боюнча эсептик ведомость» отчетунун эсептөө алгоритмине киргизилгендиктен, аталган категорияга кирген СОчИ системасынын колдонуучуларынан «Форма 1» отчетун толтурууда маалыматты эске алуусун суранабыз.